薰蹄

材料

咸豬手 １隻

八角 ２粒（隨意）

做法

１）咸豬手用一煲水烚個半鐘，然後浸入冰水降溫，要肯定全隻都凍晒，最後就放入雪櫃雪凍。

２）雪凍後取出，起左枝骨，然後切片，上碟即可。

提示

１）烚豬手個陣如果想味道濃郁ｄ，可以用丁香插入皮到，八角２粒加入水，再加入少許鹽即可。不過我就覺得夠味 所以就無加到。

２）烚既水同之後浸既水都要成隻浸過 面，如果唔係浸唔到既肉會變色，咁就唔好睇架啦～

３） 一定要凍晒先可以切片，因為唔凍既話，ｄ皮會走位，切出黎都唔會係一片片，就晒心機啦～

４）我今次懶到盡，我係買無骨既咸豬手。

５）以下既醬汁係食時可以蘸既，都好好味架。

６）唔好見到粉紅色就以為未熟，其實烚左成個半鐘，無理由唔熟；佢個顏色係咁既，靚過出面係酒樓食既好多架～

汁料

醋 （可用白醋／鎮江醋）、麻油、糖、魚露、雞粉、芥辣、鹽及蒜頭一瓣（切粒）即可。